Que é Teceuropa?
A vixésimo terceira edición de TecEuropa terá lugar en Bruxelas do 18 ao 21 de novembro. A asistencia é de balde. Os asistentes terán a posibilidade de coñecer de preto as principais institucións comunitarias.
O obxectivo do curso é o de proporcionar ao persoal técnico das entidades galegas unha visión xeral das diferentes fontes de financiamento comunitario e, sobre todo, a oportunidade de comprender a lóxica de intervención da UE a través dos diferentes fondos e programas.
Busca, ademais, crear unha rede de técnicos en Galicia para compartir experiencias e coñecementos, así como para desenvolver eventualmente proxectos conxuntos.
Programa previsto TecEuropa | 23ª Edición
| Martes, 18 de novembro | |
| 9:00 | Benvida e presentacións |
| 10:30-13:30 | Curso de financiamento comunitario |
| 15:30-17:00 | Visita ao Parlamento Europeo |
| Mércores, 19 de novembro | |
| 9:30-13:00 | Visita á Comisión Europea |
| 16:00-17:00 | Visita ao Consello |
| Xoves, 20 de novembro | |
| 9:30-13:00 | Curso de financiamento comunitario |
| 14:00-15:00 | Sesión final e conclusión |
| 16:00-17:00 | Visita ao Comité Europeo das Rexións |
| Venres, 21 de novembro | |
| Todo o día | Posibilidade de establecer contactos profesionais a cargo dos participantes |