Tras tres anos de debates, o 18 de decembro de 2023 anunciouse un acordo provisional sobre a revisión da Rede Transeuropea de Transporte (TEN-T). A RTE-T é a rede europea de ferrocarrís, vías navegables interiores, rutas marítimas de curta distancia e estradas que conectan 424 grandes cidades europeas con portos, aeroportos e terminais ferroviarias.

Este acordo representa o compromiso político de cada Estado para implantar as infraestruturas incluídas nos mapas do regulamento. Unha das principais novidades para Galicia é a inclusión do AVE Vigo-Porto para pasaxeiros como parte da rede principal ampliada, que deberá executarse en 2040, e como parte do Corredor Atlántico.