2022, o ano da recuperación

A fundación Galicia Europa naceu hai máis de 30 anos coa misión e a vocación de tender pontes entre Galicia e a Unión Europea para unir dúas realidades complementarias. No ano 2022, desde a Fundación Galicia Europa traballamos en recuperar a normalidade tras a pandemia a través dos nosos piares fundamentais. Seguimos a defender os intereses galegos en Europa pero tamén coa mirada en Galicia informando sobre a Unión Europea e achegando as políticas e as decisións europeas a todos os galegos e galegas. Ademais, continuamos a nostra aposta por fomentar a participación de entidades galegas en proxectos europeos e nós mesmos, a FGE,  participamos directamente en proxectos europeos que teñen á mocidade no centro de execución. A formación a través das nosas bolsas, a sensibilización sobre a realidade comunitaria a través da canle #Euroxuventude e o compromiso co Pacto Europeo polo Clima centraron tamén as nosas actividades no ano 2022.