Actualidade

Portada » Actualidade » Novas » EuroXuventude » Participación Xuvenil

Participa no Festival de Participación Pública e Democracia

11/04/2022 |

  • Este evento enmárcase no Ano Europeo da Xuventude e ten como obxectivo fomentar a participación xuvenil a nivel europeo

Santiago de Compostela, 11 de abril de 2022. En outubro de 2022 levarase a cabo o Festival de Participación Pública e Democracia Deliberativa. O seu obxectivo é  reunir ás persoas interesadas en traballar na participación cidadá a través de actividades como conferencias, obradoiros ou exposicións.

Coincidindo co Ano Europeo da Xuventude, esta edición terá como elemento central a participación xuvenil. Por este motivo, o festival abriu un procedemento de consulta pública para recoller ideas e iniciativas que reflictan os intereses e inquedanzas da xuventude europea. Algún dos temas que desde a organización instan a abordar son o rol da xuventude local ou o establecemento de espazos participativos.

Se a túa idea é seleccionada, terás a posibilidade de levala a cabo coa axuda da organización do festival, podendo facela de maneira presencial (en Bruxelas ou Ispra) ou en liña.

Non perdas esta oportunidade e participa na seguinte ligazón, facendo oír a túa voz nesta Ano Europeo da Xuventude. Tes até o 15 de maio!

CONTEXTO

O Festival é un evento aberto e gratuíto que reúne a persoas de diversa procedencia interesadas na participación da cidadanía na elaboración de políticas e a democracia  deliberativa en Europa (e no mundo). O programa de cada ano inclúe unha variedade de eventos como conversacións abertas, sesións interactivas, exposicións e unha exposición de proxectos de democracia participativa e/ou deliberativa.

En 2022 será un evento híbrido no que os participantes poderán asistir e interactuar en persoa -en Ispra, Italia, ou en Bruxelas, Bélxica- e/ou en liña.

Buscador

  • Categoría

  • Subcategoría

  • Etiqueta

  • Data

Novas relacionadas

Non hai novas relacionadas