— No evento participarán o director da FGE, Jesús Gamallo, e a directora xeral de Xuventude, Lara Meneses

Santiago de Compostela, 19 de febreiro de 2026. O vindeiro 23 de febreiro en Santiago de Compostela o director da FGE e a directora xeral de xuventude participarán no evento de comunicación do proxecto RuralYouthFuture, centrado na mellora do instrumento financeiro e na difusión de iniciativas que impulsan o emprego xuvenil e o desenvolvemento do rural en Galicia.

Contido do evento

No evento participarán a directora xeral de Xuventude, Lara Meneses, o director da FGE, Jesús Mª Gamallo Aller, así como de representantes doutras entidades implicadas en proxectos europeos vinculados á mocidade, ao emprendemento e a revitalización rural. Ao longo da sesión presentaranse as melloras do instrumento financeiro de RuralYouthFuture e varias boas prácticas que se están a desenvolveren en Galicia, como o proxecto DYAS (Digital Youth Ambassadors for SMEs), da Eurocidade Chaves‑Verín (EGTC) ou o programa “Vives Aprende Youth: escuelas inclusivas para el empleo” de Acción contra el Hambre.

Tamén se exporán experiencias relacionadas co impacto territorial do proxecto, entre elas o proxecto MEO e Beautiful Bees, impulsados desde a Cámara de Comercio de Compostela, así como as iniciativas Storcito e Silver Hub Rural, presentadas pola Facultade de Educación e Traballo Social da Universidade de Vigo. O programa completarase coa presentación do proxecto Galicia moza con Alma, da man da ETL Don Bosco, co obxectivo de poñer en valor o papel da mocidade como motor de cambio nos territorios rurais galegos.

A sesión moderada pola Fundación Galicia Europa, concluirá cun espazo de networking en formato “eurotapeo” que permitirá o intercambio de experiencias e o contacto directo entre as persoas e entidades participantes.

Consulta aquí o programa.