Instrumento de Veciñanza, Desenvolvemento e Cooperación Internacional (IVDCI) – Europa Global

Obxetivos

Defender e promover os valores, principios e intereses fundamentais da UE en todo o mundo para perseguir os obxectivos e principios da súa acción exterior. Entre os obxectivos específicos figuran a erradicación da pobreza, a consolidación, o apoio e o fomento da paz, a democracia, o Estado de Dereito e o respecto dos dereitos humanos, o desenvolvemento sostible e a loita contra o cambio climático. O instrumento contribuirá á promoción do multilateralismo, á consecución, en particular, dos obxectivos de desenvolvemento sostible, a axenda 2030 das Nacións Unidas, o Acordo de París sobre o cambio climático e o fortalecemento das asociacións con terceiros países, incluídos os veciños europeos, sobre a base dos intereses mutuos e a apropiación, co fin de fomentar a estabilización, a boa gobernanza e a creación de resiliencia.

Eixes de actuación

En consonancia cos seus obxectivos específicos, Europa Global opera a través de tres piares:

• Un piar xeográfico, cunha asignación de 60.380 millóns de euros a distribuír entre os países da veciñanza, os países do África subsahariana, os países de Asia e o Pacífico e os países das Américas e o Caribe.
• Un piar temático, cunha asignación de 6.360 millóns de euros que complementa o piar xeográfico para financiar actividades vinculadas aos dereitos humanos e democracia, as organizacións da sociedade civil, a paz, estabilidade e prevención de conflitos, e a resposta a retos globais.
• E un mecanismo de resposta rápida, cunha asignación de 3.180 millóns de euros para financiar accións que necesiten unha resposta urxente por parte da UE.

Europa Global ten un “colchón de fondos sen asignar” de 9.530 millóns de euros que poderá complementar calquera dos programas xeográficos e temáticos, así como o mecanismo de resposta rápida para facer fronte a circunstancias imprevistas, novas necesidades ou retos emerxentes, con especial atención aos países menos avanzados.