Reanudación do procedemento

Segundo o establecido no artigo 9 do Real Decreto 537/2020, de 22 de maio, polo que se prorroga o estado de alarma, con efectos do 1 de xuño, reanúdase o cómputo dos prazos administrativos. Por tanto,  retómanse os dous días restantes do prazo de alegacións á lista provisional de admitidos ao proceso de selección.  

A  puntuación provisional dos méritos dos candidatos publicouse o 9 de xuño, dando de prazo tres días hábiles a contar dende mañá para presentar alegacións. O 17 de xuño publicouse a puntuación definitiva da valoración de méritos e convocouse á entrevista aos 18 preseleccionados para os días 29 e 30 de xuño. O 22 de xuño modificouse o anuncio para introducir un cambio no horario das entrevistas aos tres candidatos de FP. 

O 7 de xullo publicouse a lista de seleccionados e a lista de suplentes en caso de que algún  dos cinco seleccionados renuncie nos seguintes tres días hábiles. A fecha estimada de comezo de prácticas para os novos bolseiros é o 1 de setembro.