— As mentorías serviron tamén para preparar a participación no Hackathon Day que se celebrará en Bruxelas no mes de xullo.

Vedra, 20 de xuño de 2024. O Concello de Vedra, en colaboración coa Fundación Galicia Europa, organizou hoxe as sesións maxistrais, unhas titorías personalizadas para mozos líderes rurais da comarca, dentro do proxecto YouLeaders. Nas masterclass participan un grupo de mozos de Vedra, de entre 16 e 19 anos.

O proxecto YouLeaders, no que participa a Fundación Galicia Europa, busca promover a cidadanía activa e ten como obxectivo formar e promover habilidades de liderado entre a mocidade das zonas rurais do suroeste de Europa.

Estas sesións consisten en asesorar e mentorizar aos mozos participantes en temas de liderado, resaltando as súas habilidades e capacidades para o seu futuro. Na xornada de hoxe avaliaronse os proxectos realizados e analizaronse conxuntamente as mellores opcións para impulsar as propostas presentadas polos mozos de Vedra: sustentabilidade, cambio climático, protección do medio ambiente, igualdade, inclusión e mobilidade; ámbitos nos que os mozos participantes nesta xornada están moi implicados.

Tamén aproveitaron estas mentorías para preparar a súa participación no Hackathon Day que se celebrará en Bruxelas no mes de xullo.

YouLeaders

O proxecto YouLeaders (Líderes comunitarios en zonas rurais do Suroeste de Europa) busca promover a cidadanía activa e ten como obxectivo formar e promover habilidades de liderado entre os mozos das zonas rurais do Suroeste de Europa.

O público obxectivo deste proxecto son os mozos que viven en zonas rurais e enfróntanse ao problema da mala calidade do emprego, o desemprego e a fenda dixital, cuestións que afectan a múltiples rexións de España e Europa. O proxecto está interesado en promover o desenvolvemento rural sostible, facilitando o acceso dos mozos que viven en zonas rurais a novas oportunidades laborais.

Máis información: YouLeaders