Bruxelas, 26 de outubro de 2021. A Comisión vén de adoptar un marco para aumentar o carácter inclusivo e diverso do programa Erasmus+ e do programa do Corpo Europeo de Solidariedade para o período 2021-2027. As medidas cumpren o compromiso da Comisión Von der Leyen de reforzar ambos os programas, non só permitindo que moitas máis persoas aprendan ou realicen actividades de voluntariado noutro país, senón tamén chegando a un número cada vez maior de persoas con menos oportunidades.

 

Co marco actual de medidas de inclusión, a Comisión dá un forte impulso para mellorar a equidade e a inclusión no Espazo Europeo de Educación e asume o seu compromiso co primeiro principio do Piar Europeo de Dereitos Sociais, que establece que toda persoa ten dereito a unha educación, formación e aprendizaxe permanente inclusivos e de calidade.

 

Entre as medidas para o programa Erasmus+ e o Corpo Europeo de Solidariedade destacan as seguintes.

 

A Comisión seguirá de preto a aplicación destas medidas de inclusión a nivel nacional a través das axencias nacionais. A fin de abordar mellor os retos específicos para acceder aos programas nos seus contextos nacionais, as axencias nacionais elaborarán os seus propios plans de acción para a inclusión, baseados neste marco xeral de medidas de inclusión. Xa se creou unha rede de responsables da inclusión e a diversidade nas axencias nacionais para facilitar este traballo e o intercambio de boas prácticas. Para garantir o éxito da aplicación das medidas, a Comisión tamén permanecerá en contacto con todos os axentes crave.

 

Desde a súa posta en marcha en 1987, Erasmus e os seus programas sucesores han brindado a dez millóns de persoas a oportunidade de estudar, formarse, realizar actividades de voluntariado ou adquirir experiencia profesional no estranxeiro. En 2014 creouse o programa Erasmus+, que integraba todas as iniciativas nos ámbitos da educación, a formación, a mocidade e o deporte nun mesmo marco da UE. O novo programa Erasmus+ 2021-2027 púxose en marcha en marzo de 2021 e conta cun maior orzamento: máis de 28 000 millóns de euros.

 

O Corpo Europeo de Solidariedade, que se puxo en marcha en decembro de 2016, existe como un programa financiado pola UE desde outubro de 2018. Cun orzamento específico de máis de 1 000 millóns de euros para o período 2021-2027, o novo programa ofrece oportunidades a uns 275 000 mozos para que contribúan a facer fronte a retos sociais e humanitarios participando como voluntarios ou creando os seus propios proxectos solidarios. A partir de 2022, o programa tamén permitirá aos mozos participar en actividades de voluntariado de axuda humanitaria en todo o mundo, contribuíndo desta maneira para facer fronte aos retos humanitarios en terceiros países seguros e a apoiar as actividades de axuda da UE nestes países.

 

Máis información: Comisión Europea