— A participación, que ten todos os gastos cubertos, abrangue unha multitude de actividades para facer un mundo mellor

Bruxelas, 7 de novembro de 2022. O Corpo Europeo de Solidariedade (CES) está na busca de voluntarios para participar nos novos proxectos da acción de Voluntariado de Axuda Humanitaria. Se tes entre 18 e 35 anos, esta é a túa oportunidade para axudar a facer un mundo mellor en eidos como a resposta contra desastres naturais ou a axuda de persoas migrantes non documentadas.

As primeiras accións escollidas, unha vez rematado primeiro prazo de presentacións, serán anunciadas cedo. Por iso, xa está aberto o rexistro de candidaturas para as persoas que queiran participar como voluntarias.

As solicitudes están dispoñibles para persoas de entre 18 e 35 anos sen importar o seu perfil. A duración da participación é de entre 2 e 12 meses, ou entre 2 semanas e 2 meses se se fai como membro dun equipo. A viaxe, comida, aloxamento e outras necesidades serán pagadas polo CES, así como unha pequena cantidade para gastos persoais. Tamén están cubertos o seguro e a axuda lingüística.

As tarefas a realizar cobren un amplo eido de acción: preparación e resposta ante desastres naturais, promoción da igualdade de xénero, protección de mulleres e nenos con necesidades especiais, axuda das persoas migrantes, ou mellora da seguridade alimentaria.

Corpo Europeo de Solidariedade

O Corpo Europeo de Solidariedade é un programa da Unión Europea, iniciado no ano 2016, para que a mocidade faga voluntariado e xestione os seus proxectos propios, en beneficio das comunidades en todo o continente. O CES ofrece oportunidade a través de voluntariado, prácticas. empregos, proxectos solidarios locais e voluntariado de axuda humanitaria.

Máis información: Portal Europeo da Xuventude