Programa para o Medio Ambiente e a Acción Climática (LIFE)

Obxetivos

Acadar un cambio cara a unha economía sostible, circular, enerxeticamente eficiente, baseada nas enerxías renovables, neutra desde o punto de vista climático e resiliente. Protexer, restaurar e mellorar a calidade do medio ambiente, incluídos o aire, a auga e o solo. Deter e inverter a perda de biodiversidade e facer fronte á degradación dos ecosistemas.

Eixes de actuación

LIFE estrutúrase en dúas áreas de acción e catro subprogramas:

1. A área de Medio Ambiente inclúe os subprogramas (1) Natureza e Biodiversidade; (2) Economía Circular e Calidade de Vida;
2. A área de Acción polo Clima inclúe os subprogramas (3) Mitigación e Adaptación ao Cambio Climático; (4) Transición Enerxética Limpa.
   1. O subprograma de Natureza e Biodiversidade terá como obxectivo a protección e restauración da natureza europea e a detención e modificación da tendencia cara á perda de biodiversidade. Así, o subprograma LIFE Natureza e Biodiversidade seguirá financiando proxectos de conservación da natureza, en particular nos ámbitos da biodiversidade, os hábitats e as especies. Apoiará proxectos que contribúan á aplicación das directivas da UE sobre aves e hábitats, e en particular o desenvolvemento e a xestión da rede Natura 2000, e o Regulamento sobre as especies invasoras, e apoiará a consecución dos obxectivos da estratexia de biodiversidade da UE para 2030, que forma parte do Pacto Verde da UE
   2. O subprograma de Economía Circular e Calidade de Vida ten como obxectivo facilitar a transición cara a unha economía sostible, circular, libre de tóxicos, enerxeticamente eficiente e resistente ao clima, así como protexer, restaurar e mellorar a calidade do medio ambiente, Cofinancia proxectos en ámbitos como a recuperación de recursos dos residuos, a xestión da auga, o aire, o ruído, o chan e os produtos químicos, así como a gobernanza medioambiental. Ofrece sobre todo subvencións para proxectos que apliquen solucións innovadoras e de mellores prácticas nestes ámbitos a través dos denominados proxectos de acción estándar (SAPs). Tamén contempla a aplicación, o seguimento e a avaliación da política e a lexislación ambiental da UE a través dos denominados Proxectos Estratéxicos Integrados (PEI).
   3.  O subprograma de Mitigación e Adaptación ao Cambio Climático contribuirá ao cambio cara a unha economía sostible, eficiente dende o punto de vista enerxético, baseada nas enerxías renovables, neutra dende o punto de vista climático e resistente, contribuíndo así ao desenvolvemento sostible.
   4. O subprograma LIFE Transición Enerxética Limpa ten como obxectivo facilitar a transición cara a unha economía enerxeticamente eficiente, baseada nas enerxías renovables, neutra para o clima e resiliente, mediante o financiamento de accións de coordinación e apoio en toda Europa. Trátase de accións de gran valor engadido para a UE, cuxo obxectivo é romper as barreiras do mercado que dificultan a transición socioeconómica cara á enerxía sostible, e que adoitan contar coa participación de múltiples partes interesadas de pequeno e mediano tamaño, múltiples actores, incluídas as autoridades públicas locais e rexionais e as organizacións sen ánimo de lucro, así como os consumidores.