Programa Europa Dixital

Obxectivos

Acelerar a recuperación e impulsar a transformación dixital da UE, construír as capacidades dixitais estratéxicas da UE e facilitar o amplo despregamento das tecnoloxías dixitais, de forma que as utilicen os cidadáns da UE, as empresas e as administracións públicas da UE.

Eixes de actuación

O Programa Europa Dixital ofrece financiamento para proxectos en cinco áreas que responden aos seguintes obxectivos específicos:

• Supercomputación (HPC): despregar capacidades de supercomputación a exaescala e post- exaescala de clase mundial para garantir o máis amplo acceso e uso destas capacidades.
• Intelixencia artificial: despregar espazos de datos comúns en toda a UE baseados nunha infraestrutura federada de nube para a promoción da proba e adopción de solucións baseadas na intelixencia artificial.
• Ciberseguridade: construír capacidades avanzadas de ciberseguridade (incluída unha infraestrutura de comunicación segura cuántica para Europa); promover o intercambio de mellores prácticas e garantir un amplo despregamento das solucións de ciberseguridade máis avanzadas en toda a economía europea.
• Competencias dixitais avanzadas: impulsar a excelencia académica, aumentando a oferta educativa e a formación en tecnoloxías dixitais chave, como a HPC, a ciberseguridade e a intelixencia artificial
• Despregamento e mellor uso da capacidade dixital e interoperabilidade: despregar unha rede de Centros Europeos de Innovación Dixital (EDIH) que apoien a transformación dixital das organizacións públicas e privadas europeas que contribúan a abordar os principais retos da sociedade (por exemplo, o medio ambiente e o cambio climático) a través dun despregamento de alto impacto, e reforcen as capacidades europeas de blockchain e a transformación dixital das administracións e os servizos públicos, promovendo ao mesmo tempo un espazo dixital inclusivo e digno de confianza