Mecanismo de Transición Xusta

Obxetivos

Apoiar a transición cara a neutralidade climática aliviando os impactos socioeconómicos da transición nas rexións máis afectadas.

Eixes de actuación

O Mecanismo de Transición Xusta ten tres piares:

• Fondo de Transición Xusta (FTX): proporciona axudas a medida para aliviar os custos sociais e económicos que soportan, como consecuencia da transición ecolóxica, as rexións que dependen dos combustibles fósiles e as industrias con elevadas emisións. Apoia investimentos en pemes e novas empresas, investigación e innovación, tecnoloxías enerxéticas limpas e redución de emisións, e reciclaxe profesional dos traballadores e asistencia na procura de emprego.
• Transición xusta dentro de InvestEU. Os instrumentos financeiros de InvestEU (préstamos, garantías, investimentos en capital…) apoiarán investimentos complementarios ao FTX nas zonas de transición xusta. Tratarase de proxectos viables desde o punto de vista económico, promovidos por entidades públicas ou privadas e orientados a mellorar as infraestruturas sociais, de enerxía ou transporte, así como á diversificación económica destas zonas.
• Mecanismo de préstamos ao sector público: apoiar proxectos que non xeren un fluxo de ingresos suficiente para cubrir os custos de investimento. Será implementado conxuntamente pola Comisión Europea e o BEI e consistirá nun compoñente de subvención por valor de ao redor de 1.525 millóns de euros do orzamento da UE e un compoñente de préstamo do BEI de até 10.000 millóns de euros, dos seus propios recursos.

Os territorios beneficiarios e as accións que recibirán o apoio do programa FTJ identificaranse nun ou varios plans territoriais de transición xusta que os Estados membros deben acordar coa Comisión Europea no marco do Semestre Europeo. Estes plans describen o proceso de transición ata 2030 dos territorios que vaian sufrir as maiores perdas de emprego previstas, así como a transformación das instalacións industriais con maior intensidade de gases de efecto invernadoiro. Os plans detallarán os retos sociais, económicos e ambientais destas zonas, así como as necesidades de diversificación económica, recualificación e rehabilitación ambiental.