Mecanismo de Protección Civil (rescEU)

Obxetivos

Reforzar a cooperación entre a UE e os seus Estados membros no eido da protección civil, para mellorar tanto a protección fronte ás catástrofes como a xestión dos riscos actuais e emerxentes. Tamén fomenta a cooperación internacional en materia de protección civil.

Eixes de actuación

O Mecanismo de Protección Civil da Unión comprende tres tipos de actividades:

• Prevención: as actividades de prevención e preparación mitigan os efectos das catástrofes. Un programa de formación para expertos en protección civil dos estados membros da UE e dos estados participantes garante a compatibilidade e a complementariedade entre os equipos de intervención, mentres que os exercicios a gran escala adestran as capacidades para catástrofes específicas cada ano.
• Preparación: coa reforma de 2019, a Comisión propuxo rescEU como parte das accións de preparación no marco do mecanismo da unión. rescEU é unha reserva europea de capacidades que inclúe unha frota de avións e helicópteros de extinción de incendios, avións de evacuación médica, así como unha reserva de equipos médicos e hospitais de campaña que poden responder a emerxencias sanitarias.
• Resposta: despois dunha solicitude de asistencia por parte dun estado membro ou un terceiro país a través do mecanismo da Unión, o Centro de Coordinación da Resposta a Emerxencias (ERCC) mobiliza a asistencia ou os coñecementos técnicos. Ademais, o ERCC supervisa os acontecementos en todo o mundo as 24 horas do día e garante o rápido despregamento da axuda de emerxencia a través dunha conexión directa coas autoridades nacionais de protección civil. Os equipos especializados e o material poden ser mobilizados a curto prazo para o seu despregamento dentro e fóra de Europa.