InvestEU

Obxectivos

Levar a cabo en toda a UE investimentos nas seguintes áreas: infraestruturas sostibles, investigación e innovación, dixitalización, pequenas e medianas empresas, empresas de mediana capitalización, investimento social e adquisición de competencias no mercado de traballo. A Dirección Xeral de Asuntos Económicos e Financeiros (DG ECFIN) lidera dentro da Comisión Europea.

Eixes de actuación

O Programa InvestEU consta de 3 bloques:

• Fondo InvestEU: combina 13 instrumentos financeiros da UE xestionados ata 2021 de forma centralizada, así como o anterior Fondo Europeo para Investimentos Estratéxicos. Desta forma, o Fondo InvestEU conta cunha gran capacidade financeira e cun único conxunto de requisitos que se aplica ao longo de todo o ciclo de financiamento en beneficio dos destinatarios finais e os intermediarios financeiros. Grazas ao seu carácter centralizado, InvestEU pretende cumprir os obxectivos políticos da UE, minimizar os solapamentos e garantir as sinerxías.
• Centro de Asesoramiento de InvestEU: constitúe o punto central de entrada para entidades que busquen apoio de asesoramento e asistencia técnica en relación cos fondos de investimento da UE xestionados de forma centralizada, poñendo en contacto aos promotores e intermediarios de proxectos coas entidades asesoras asociadas, que colaboran de forma directa para axudar a que os proxectos cheguen á fase de financiamento. O Centro de Asesoramento InvestEU complementa ó Fondo InvestEU apoiando a identificación, preparación e desenvolvemento de proxectos de investimento en toda a Unión Europea.
• Portal InvestEU: o Portal InvestEU permite aos promotores de proxectos chegar a investidores aos que non poderían acceder doutro xeito. O Portal continúa o labor iniciado co Portal Europeo de Proxectos de Investimento (PEPI) e é o “mercado” en liña da UE que conecta aos promotores de proxectos con sede na UE con investidores de todo o mundo. Ofrece aos promotores de proxectos máis opcións para financiar os seus proxectos.