Interreg POCTEP

Obxectivos

As autoridades nacionais de España e Portugal acordaron seleccionar para o Programa de Cooperación Transfronteiriza Interreg España-Portugal 21-27 un total de catro Obxectivos Políticos e un Obxectivo Específico Interreg: (1) “unha Europa máis intelixente, promovendo unha transformación económica innovadora e intelixente”; (2) “unha Europa máis verde e baixa en carbono, promovendo unha transición enerxética limpa e equitativa, o investimento verde e azul, a economía circular, a adaptación ao cambio climático e a prevención e a xestión de riscos”; (3) “unha Europa máis social, mediante a aplicación do piar europeo de dereitos sociais”; (4) “unha Europa máis próxima aos seus cidadáns, fomentando o desenvolvemento integrado e sostible das zonas urbanas, rurais e costeiras e as iniciativas locais; (5), “unha mellor gobernanza Interreg”.

Eixes de actuación

Detállanse a continuación os eixes de actuación sobre os que se desdobran obxectivos específicos e tipos de accións:

• Fortalecer o espazo transfronteirizo aproveitando o potencial da cooperación para mellorar a competitividade empresarial, consolidar o ecosistema científico e tecnolóxico, e fomentar a dixitalización.
• Fomentar a cooperación para maximizar o aproveitamento dos recursos endóxenos do territorio e o desenvolvemento de sectores chave, avanzando na especialización intelixente.
• Impulsar a transición ecolóxica e a adaptación ao cambio climático do espazo transfronteirizo a través da cooperación como ferramenta para fomentar as economías verde e azul.
• Protexer e conservar a biodiversidade nos espazos naturais e valorizar os ecosistemas naturais e o medio ambiente urbano do espazo transfronteirizo a través da cooperación.
• Potenciar a cooperación para o desenvolvemento de condicións de vida atractivas no espazo fronteirizo en termos de inclusión social, de igualdade de oportunidades e de acceso a servizos públicos transfronteirizos.
• Impulsar a través da cooperación transfronteiriza o desenvolvemento de estratexias multisectoriais de desenvolvemento integrado e sostible.
• Superar os obstáculos fronteirizos mediante a aplicación dun enfoque transformador de gobernanza multinivel á cooperación transfronteiriza.