Interreg Europe

Obxectivos

Interreg Europe promove proxectos de cooperación entre diferentes áreas de Europa, dando cobertura a todo o territorio da Unión Europea cos seus 27 Estados membros, así como Noruega e Suíza.
O seu obxectivo é mellorar a aplicación das políticas de desenvolvemento rexional, promovendo o intercambio de experiencias, os enfoques innovadores e o desenvolvemento de capacidades en relación coa identificación, a difusión e a transferencia de boas prácticas entre os axentes da política rexional. Os beneficiarios poden cooperar en todos os temas de relevancia compartida en función das súas necesidades rexionais, sempre que estean encadrados no eido da política de cohesión.

Eixes de actuación

Interreg Europe establece unha prioridade de actuación: reforzar as capacidades institucionais para lograr políticas de desenvolvemento rexional máis eficaces, e un obxectivo específico: mellorar a capacidade institucional das autoridades públicas, en particular as que teñen o mandato de xestionar un territorio específico, así como de outras partes interesadas.
Interreg Europe apoia dous tipos de accións complementarias:

• Proxectos de cooperación interrexional.
• Unha Plataforma de Aprendizaxe para o desenvolvemento de políticas públicas.