Cooperación en materia de Fiscalidade (Fiscalis)

Obxectivos

O programa apoia ás autoridades fiscais para mellorar o funcionamento do mercado interior, fomenta a competitividade da UE e a competencia leal, protexe os intereses financeiros e económicos da UE e os seus Estados membros, incluída a protección deses intereses contra a fraude, a evasión e a elusión fiscal, e mellora a recadación de impostos.

Eixes de actuación

• Fiscalis presta apoio financeiro ás accións de desenvolvemento de capacidades informáticas, en particular o desenvolvemento e funcionamento dos sistemas electrónicos europeos de fiscalidade, e fomenta a cooperación entre as autoridades fiscais nacionais mediante reunións e unha colaboración estruturada baseada en proxectos, como os grupos de proxectos e os equipos de expertos.
• O programa tamén presta apoio financeiro ás competencias humanas e a outras accións de desenvolvemento de capacidades, incluídas a formación e o intercambio de mellores prácticas, así como a outras accións como estudos, comunicación e actividades de innovación.