O Pacto Verde Europeo correspóndese coa nova estratexia de crecemento da UE, destinadada a acadar, mediante unha transición xusta, unha economía de cero emisións, eficiente en recursos e competitiva, que converta así a Europa no primeiro continente climaticamente neutro de aquí ao ano 2050.

Esta folla de roteiro europea, explicada nunha comunicación da Comión Europea publicada o 11 de decembro do 2019 contén, ademais, o calendario de actuación da Comisión. Aínda que de caracter estimativo, agárdase que a maioría das propostas podan negociarse ao longo de 2020 e de 2021.