Ao longo de catro sesións, os asistentes achéganse, da man de especialistas e representantes comunitarios, ás principais políticas europeas, especialmente as relacionadas coa dobre transición ecolóxica e dixital. Sérvelles, ademais, para identificar as diferentes oportunidades de financiamento que ofrece o actual marco financeiro europeo, como o Mecanismo de Recuperación e Resiliencia, Horizonte Europa ou os novos programas de cooperación territorial europea.