Mellora o teu perfil profesional grazas á UE

Esta xornada ofrecerá un espazo para que a mocidade descubra 14 programas da UE que lles axudarán a mellorar as súas habilidades profesionais. No acto coñecerase de primeira man a experiencia de persoas que xa participaron nestes programas.

Deseñada para ser práctica e dinámica, esta actividade contará cunha primeira parte onde descubrir os detalles máis interesantes de cada oportunidade. Nun segundo bloque realizaranse mentorías individualizadas ás que se poderá apuntar cada participante en función das súas inquedanzas, para resolver as súas dúbidas particulares, así como para recibir consellos totalmente personalizados.

Inscríbete aquí ata o venres 29 (30 prazas dispoñibles).

Consulta o programa completo da xornada premendo neste enlace.