Portada »
O director xeral de Relacións Exteriores e coa UE, Jesús Gamallo, participou esta semana na sesión plenaria do Comité Europeo das Rexións (CdR) en Bruxelas onde quedou constituída a Alianza de Rexións con Industria da Automoción. Galicia é unha das 22 rexións europeas asinantes desta nova alianza.
O Comité Europeo das Rexións (CdR) vén de lanzar a Alianza de Rexións con Industrias da Automoción, da que Galicia é unha das rexións fundadoras. Nesta rede política de rexións, Galicia desempeñará un papel de relevancia na consecución dunha transición xusta para as rexións automobilísticas.
As principais rexións automobilísticas da UE déronse cita nun evento organizado, co apoio da Fundación Galicia Europa, polo Grupo Interrexional sobre o futuro do automóbil do Comité Europeo das Rexións (CoRAI). Representantes dos entes locais e rexionais, a industria e outras partes interesadas reuníronse para compartir estratexias, recomendacións e perspectivas sobre a necesidade de acadar unha transición xusta no sector da automoción.
O director xeral de Relacións Exteriores e coa UE, Jesús Gamallo, participou na Comisión de Cidadanía, Gobernanza e Asuntos Institucionais e Exteriores (CIVEX) do Comité Europeo das Rexións (CdR), os días 23 e 24 de xuño en Atenas.
O turismo sostible foi o tema dunha conferencia organizada pola Comisión NAT do CDR en Santiago de Compostela o 3 de xuño. A cidade anfitrioa é coñecida polo Camiño de Santiago, que constitúe un exemplo perfecto de turismo sostible e de baixo impacto que combina o patrimonio cultural e reúne a persoas de toda Europa.
O vicepresidente segundo da Xunta, Diego Calvo, clausurou a conferencia da Comisión de Recursos Naturais (NAT) do Comité Europeo das Rexións dedicada ao modelo de turismo en Europa baseado na sustentabilidade
O conselleiro do Medio Rural, José González, defendeu hoxe a xestión sustentable do territorio como mellor fórmula para garantir que o sector primario galego, español e europeo medre e teña futuro.
O Comité Europeo das Rexións celebra o 2 e o 3 de xuño en Santiago de Compostela a reunión da Comisión de Recursos Naturais (NAT) e a conferencia sobre turismo sostible co Camiño de Santiago como modelo de sustentabilidade.
O director xeral de Relacións Exteriores e coa UE participou esta semana na sesión plenaria do Comité Europeo das Rexións (CdR) en Bruxelas. Cinco dos 14 ditames aprobados durante esta sesión recibiron emendas por parte de Galicia, especialmente os referidos ao paquete lexislativo “Obxectivo 55” para a redución das emisións de gases contaminantes en 2030