Portada » Actualidade »
A Unión Europea vén de presentar dúas iniciativas para impulsar as súas ambicións espaciais: unha proposta de Regulamento sobre unha conectividade espacial segura e unha Comunicación conxunta sobre un enfoque da UE en materia de xestión do tráfico espacial.
A Comisión vén de presentar unha serie de iniciativas en ámbitos críticos para a defensa e a seguridade dentro da Unión Europea, trátase dunha contribución á Defensa Europea que cubre unha ampla gama de ámbitos.
Durante o último pleno do Comité Europeo das Rexións (CDR) se debateu sobre a contribución que os entes locais e rexionais deben facer á Conferencia sobre o Futuro de Europa, especialmente na aplicación das políticas climáticas, enerxéticas e de medio ambiente, e no acceso directo ao financiamento da UE.
A nova Autoridade de Preparación e Resposta fronte ás Emerxencias Sanitarias (HERA) da Unión Europea vén de presentar o seu primeiro plan de traballo anual, que contará cun orzamento de 1 300 millóns de euros para 2022. O labor desta autoridade é tratar de previr emerxencias sanitarias transfronteirizas e, no caso de que se produzan, estar preparada e reaccionar rapidamente fronte a elas.
A plataforma de teleasistencia domiciliaria do Servizo Galego de Saúde, para o seguimento e contacto entre pacientes crónicos e profesionais sanitarios, Telea, acaba de ser seleccionada pola Comisión Europea como unha das boas prácticas a transferir a outros países membros.
A Comisión Europea acaba de anunciar a apertura do prazo para a presentación de candidaturas na segunda edición dos Premios Nova Bauhaus Europea. Esta edición celebra exemplos de transformación que a iniciativa pretende levar a cabo na vida cotiá e nos espazos que compartimos.
A Comisión presentou o itinerario de transición para o turismo durante as Xornadas da Industria da UE. O itinerario de transición é un plan creado conxuntamente cos axentes do ecosistema turístico no que se detallan as accións, os obxectivos e as condicións clave para completar as transicións ecolóxica e dixital e lograr unha resiliencia a longo prazo do sector.
Un ano despois da publicación do Plan Europeo de Loita contra o Cancro e con motivo do Día Mundial contra o Cancro (o 4 de febreiro), a Comisión Europea deu outro paso para aumentar o acceso á prevención, a detección precoz, o tratamento e os coidados do cancro.
O pasado 18 de xaneiro, a Comisión Europea adoptou dúas novas iniciativas no eido da educación superior: a Estratexia Europea para as Universidades e unha proposta de Recomendación do Consello sobre a construción de pontes para unha cooperación europea eficaz en materia de educación superior.
A Comisión vén de publicar unha proposta de Recomendación do Consello para garantir que a transición cara á neutralidade climática sexa equitativa e inclusiva. A proposta inclúe unha serie de orientacións políticas destinadas a axudar aos Estados membros a deseñar e aplicar paquetes de medidas que aborden de maneira global os aspectos sociais e de emprego relacionados coa transición.