Portada » Actualidade » Novas » Galicia na UE »
A Semana Europea das Rexións e Cidades (#EURegionsWeek) pechou en Bruxelas a súa vixésima edición con máis de 300 actos presenciais e en liña e máis de 10.000 participantes. Dentro do programa oficial, tres debates contaron con relatores de Galicia para compartir experiencias na loita contra o cambio climático, a transición dixital e a participación en proxectos europeos.
A Semana Europea das Rexións e das Cidades é o maior evento anual con sede en Bruxelas dedicado á política de cohesión, celebrarase do 10 ao 13 de outubro e terá nun formato híbrido. O período de inscrición para asistir, tanto de xeito presencial como dixital, comezará o vindeiro 31 de agosto.
O director xeral de Relacións Exteriores e coa Unión Europea, Jesús Gamallo, vén de representar a Galicia no Cumio Europeo de Rexións e Cidades que o Comité Europeo das Rexións (CdR) celebrou esta semana na localidade francesa de Marsella. A cohesión e a recuperación dende o punto de vista das rexións europeas foi un dos principais temas de debate deste cumio.