Bolsas

Portada » Actividades » Bolsas » 2024 » Bolsas en asuntos europeos para titulados superiores universitarios e en Formación Profesional

Bolsas en asuntos europeos para titulados superiores universitarios e en Formación Profesional

O Diario Oficial de Galicia (DOG) publicou o 23 de abril de 2024 as bases reguladoras do programa de bolsas de formación en asuntos europeos da Fundación Galicia Europa na súa oficina de Bruxelas.

O luns 6 de maio o Consello da Xunta aprobou a convocatoria das nosas bolsas de formación en asuntos europeos 2024. Nos próximos días abrirase o prazo para presentar as solicitudes.

O xoves 16 de maio publicouse no DOG a convocatoria das bolsas de formación, dirixidas a persoas cun título universitario ou cun título de técnico superior de formación profesional, para a realización de prácticas en asuntos relacionados coa Unión Europea na oficina da FGE en Bruxelas. O prazo para presentar solicitudes comeza o 17 de maio e remata o 17 de xuño.

O xoves 20 de xuño fíxose pública na páxina web da FGE a relación provisional de persoas admitidas e excluídas ao proceso de selección. O prazo para que as persoas excluídas poidan emendar, de ser o caso, o defecto que motivou a exclusión, comeza o 21 de xuño e remata o 4 de xullo.

O venres 5 de xullo acordouse a relación definitiva de persoas admitidas e excluídas ao proceso de selección. O venres 12 de xullo publicouse unha correción de erros de dita relación definitiva de persoas admitidas e excluídas.

O luns 8 de xullo publicáronse as puntuacións provisionais dos méritos das persoas admitidas ao proceso de selección. O prazo para que as persoas admitidas poidan presentar reclamacións ás puntuacións comeza o 9 de xullo e remata o 11 de xullo.