Bolsas
Portada » Actividades » Bolsas » 2026 »
Bolsa para a formación de titulados universitarios no ámbito da I+D+i
A Fundación Pública Galicia Europa convoca unha bolsa de formación en políticas e programas europeos no ámbito da innovación e da investigación, destinada á realización de prácticas na oficina da FGE en Bruxelas.
A convocatoria publicouse no Diario Oficial de Galicia (DOG) o 1 de outubro de 2026. A bolsa terá unha duración de 12 meses e a incorporación está prevista para decembro de 2026.
Principais requisitos
- Ter a nacionalidade española ou ser nacional dun Estado membro da Unión Europea.
- Ser natural de Galicia, ser fillo ou filla de persoas galegas ou acreditar a residencia en Galicia mediante empadroamento.
- Estar en posesión dun título universitario oficial de grao, licenciatura, enxeñaría ou equivalente, obtido nos seis anos anteriores ao da publicación da convocatoria.
Proceso de selección
1. Valoración de méritos: máximo 38 puntos
- Titulación universitaria: 5 puntos.
- Expediente académico: 10 puntos.
- Mestrado: 5 puntos.
- Cursos: 5 puntos.
- Prácticas ou experiencia laboral acreditada: 5 puntos.
- Coñecemento da lingua inglesa: 6 puntos.
- Coñecemento doutras linguas estranxeiras: 2 puntos.
2. Entrevista persoal: máximo 12 puntos
Importante: documentación complementaria
Recoméndase ler atentamente o artigo 7 da convocatoria, relativo á documentación que debe achegarse coa solicitude electrónica. En particular:
- Currículo, preferentemente en formato Europass.
- Relación de méritos puntuables (anexo II), acompañada da documentación acreditativa correspondente:
- Certificación académica persoal oficial do título universitario, con indicación da nota media simple obtida.
- Certificados de cursos cunha duración superior a 20 horas.
- Títulos oficiais que acrediten o nivel de inglés e doutras linguas adicionais.
- Documentación acreditativa da participación en proxectos de investigación e innovación.
- No caso de persoas nacionais da UE residentes fóra de España, copia do pasaporte.
- Para acreditar a filiación de proxenitores galegos, copia do libro de familia ou documento equivalente.
- No caso de presentar un título académico estranxeiro, copia da súa homologación ou validación.