A semana pasada tivo lugar a segunda sesión plenaria do Comité Europeo das Rexións (CdR) do actual mandato 2025-2030. 13 representantes autonómicos e dous municipais participaron nela, contribuíndo aos cinco debates celebrados e á adopción de cinco ditames e dúas resolucións políticas.

A ampliación da UE, coa comisaria do ramo, e as prioridades da Presidencia polaca centraron os debates do primeiro día, mentres que o segundo estivo dedicado á revisión a medio prazo da Política de Cohesión 21-27, co vicepresidente da Comisión, Raffaele Fitto, e o novo Compás de Competitividade, con Enrico Letta. No punto sobre asuntos locais da UE, a iniciativa da Rioxa, os membros do CdR debateron sobre o posible impacto da nova política arancelaria dos Estados Unidos nos produtos agroalimentarios europeos.

Entre os ditames, destacamos o liderado pola Comunidade Valenciana sobre a competitividade agrícola da UE e o primeiro ditame prospectivo que elabora o CdR a petición da Comisión Europea. Nesta ocasión, referido ao futuro Pacto dos Océanos da UE como parte da nova estratexia europea sobre mares e océanos que se prevé publicar en xuño.

En canto ás resolucións urxentes, o CdR pronunciouse sobre a dimensión territorial na aplicación do Plan de Acción Industrial para o Sector Europeo do Automóbil, promovida pola Alianza de Rexións do Automóbil, con ampla representación española, sobre o asalto á democracia local en Turquía e sobre o novo Compás de Competitividade para a UE.  

Boa lectura!