Boletín 17º | Recuperación económica da UE

15/12/2020 |

Velaquí o noso último boletín de 2020, un ano excepcional no que a Fundación Galicia Europa tense esforzado en explicar o labor da UE na crise sanitaria e económica que estamos a vivir. Estas últimas semanas están marcadas por negociacións in extremis para que todos os programas do Plan de Recuperación para Europa poidan poñerse en marcha a partir do ano próximo.

Neste número fixámonos, ademais, en dúas iniciativas importantes para Galicia: a nova Bauhaus, que vén de lanzarse para fusionar arte e tecnoloxía a prol da sostibilidade e do Pacto Verde, e a consulta sobre a revisión da actual Rede de Transporte Transeuropea, onde o Corredor Atlántico continúa a ser un dos nove corredores prioritarios.

No apartado de financiamento, facémonos eco da primeira convocatoria do Fondo de Innovación para proxectos a pequena escala que introduzan tecnoloxías innovadoras na industria co obxectivo de reducir a emisión de gases contaminantes.

Despedímonos desexándolles unhas boas festas e próspero ano 2021.