— A mediados do mes de xaneiro a Comisión Europea adoptou o novo programa de traballo para o ano 2022 do programa Europa Creativa cun orzamento total de 385 millóns de euros para facer fronte aos retos derivados da crise da COVID-19 e abordar cuestións crave que afectan os sectores culturais e creativos.

• O capítulo CULTURA do programa incluirá novas convocatorias e iniciativas para os sectores da música, o patrimonio cultural, as artes escénicas e a literatura. Ademais, porase en marcha un programa de mobilidade que ofrecerá a artistas, creadores ou profesionais da cultura a oportunidade de viaxar ao estranxeiro para o seu desenvolvemento profesional ou para establecer colaboracións internacionais, así como para atopar novos públicos, coproducir, cocrear ou presentar o seu traballo.

• O capítulo MEDIA céntrase no sector audiovisual e introduce varias novidades como a financiación e apoio ao desenvolvemento de videoxogos innovadores e experiencias de realidade virtual. Unha nova acción denominada «MEDIA 360 graos» centrarase nos principais foros industriais que interactúan coas empresas ao longo de toda a cadea de valor do sector audiovisual. Para seguir impulsando a innovación, porase en marcha a pasarela de comercialización do subprograma MEDIA para as empresas emerxentes prometedoras. A colaboración entre festivais cinematográficos se reforzará a través das redes.

• Por último, o capítulo INTERSECTORIAL aumentará o financiamento destinado ao Laboratorio para a Innovación Creativa en relación cos proxectos de innovación conxuntos nos que participen varios sectores creativos, contribuíndo á nova Bauhaus europea. Tamén se ampliará o apoio aos medios informativos a través de medidas adicionais para fomentar a súa liberdade.