Santiago, 29 de maio de 2025.– A FGE organiza xunto cos seus socios no proxecto “RuralYouthFuture” na vista de estudo de Galicia. O encontro terá lugar os días 11 e 12 de xuño de 2025 en Sober, Lugo. Contará coa participación de representantes dos sete países socios do proxecto – España, Bulgaria, Eslovenia, Lituania, Portugal, Estonia, Bélxica e Serbia-, para estudar e analizar o desenvolvemento das boas prácticas implementadas polas entidades, institucións, asociacións e socios galegos, no marco deste programa, dotado con 1,6 millóns de euros, e cofinanciado con fondos FEDER.

O obxectivo desta visita é analizar algunhas das boas prácticas desenvolvidas en Galicia dirixidas á mellora do emprego xuvenil no rural, atendendo as necesidades singulares da mocidade nos territorios rurais. Mediante a redución das desigualdades cos seus coetáneos urbanos e a loita contra o avellentamento e a despoboación, RuralYouthFuture pretende forxar un futuro mellor.  Enfócase en seis instrumentos políticos a escala municipal, rexional e nacional para facer fronte ao reto común de responder ás necesidades da xuventude nos territorios rurais, os cales están a experimentar un crecente descenso da poboación.

O encontro incluirá presentacións das boas prácticas galegas: o programa Xuventude Mentoring, o programa Xuventude Mentoring na Empresa e Desenvolvemento, Sustentabilidade e Modernización no Medio Rural.

Tamén se presentarán outras boas prácticas como o proxecto Xóvenes Embaixadores Dixitais das PEMES (DYAS), Conectividade e habilidades dixitais para o desenvolvemento local, o programa Fomentar a innovación nas PEMEs, Gamificación para empoderar a mocidade rural e o programa Vives Aprende Xuventude: escolas inclusivas para o emprego. Estudarase a interpretación do noso territorio de Quiroga e Ribas De Sil e o impulso económico e social de TourGalia.

Sobre RuralYouthFuture

O proxecto “RuralYouthFuture” ten como obxectivo impulsar o emprego xuvenil e garantir postos de traballo accesibles e de calidade para a mocidade das zonas rurais. Para iso, céntrase en seis instrumentos políticos a nivel municipal, rexional e nacional, co propósito de afrontar o reto común de dar resposta ás necesidades da xuventude nos territorios rurais afectados polo descenso poboacional. O proxecto conta coa participación de socios de oito países europeos: España, Bulgaria, Eslovenia, Lituania, Portugal, Estonia, Bélxica e Serbia.

Cun financiamento de 1,9 millóns de euros, o proxecto desenvólvese no marco do Programa Interreg Europa, cofinanciado con fondos FEDER.

Consulta aquí as novas relacionadas co proxecto.