Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Transparencia

Convocatorias UE



Síguenos en Twitter Síguenos en Facebook Síguenos en linkedin

27/08/2021

A Xunta invita a participar no curso de especialización en financiamento europeo para as ONGD galegas

5394F_1630053001_TecEuropa_ONGD.jpg
  • O curso de especialización en financiamento comunitario “TecEuropa”, da Fundación Galicia Europa, desenvolverase entre o 14 e o 24 de setembro
  • Ao longo de cinco xornadas, os participantes poderán coñecer máis acerca das liñas de financiamento europeo existentes en materia de axuda humanitaria e de cooperación ao desenvolvemento en América Latina e África
Bruxelas, 23 de agosto de 2021.- A Xunta invita a participar no curso de especialización en financiamento comunitario “TecEuropa” da Fundación Galicia Europa, que, nesta ocasión, estará destinado ás organizacións non gobernamentais para o desenvolvemento (ONGD).

Os interesados poden inscribirse ao programa de formación que se desenvolverá ao longo de cinco sesións virtuais, repartidas entre o 14 e o 24 de setembro e moderadas pola directora da oficina en Bruxelas da Fundación Galicia Europa, Ana Ramos. Os asistentes poderán abordar, da man de especialistas e de representantes da Comisión Europea, as diferentes accións comunitarias postas en marcha no marco da cooperación ao desenvolvemento e da axuda humanitaria, con especial fincapé na cooperación en Latinoamérica e nos países africanos de fala portuguesa. Así mesmo, poderán coñecer máis acerca das fontes de financiamento específico existentes a nivel europeo en ambas zonas xeográficas.

Desde a súa posta en marcha no 2015, TecEuropa contribuíu ao longo de 13 edicións á formación de máis de 440 profesionais e a crear e expandir unha rede galega de especialistas en xestión de fondos comunitarios, o que o levou a consolidarse como o curso galego de referencia nesta materia.

Pode atopar máis información e acceder á páxina de inscrición deste curso gratuíto a través da seguinte ligazón.

Sello AYS Innova entidad adaptada

© Fundación Galicia Europa

Inicio Contacto Mapa Web Política de privacidad Política de Cookies Perfil de contratante