Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Transparencia

Convocatorias UE



Síguenos en Twitter Síguenos en Facebook Síguenos en linkedin

12/11/2020

Participa como Embaixador/a no proxecto “Europe on Track”

5184F_1605174952_woman-wearing-medical-mask-ready-to-get-in-the-train-freepik.jpg
  • Inscríbete até o 22 de novembro e comeza unha viaxe en tren durante un mes para coñecer as diferentes opinións da xuventude de toda Europa
Santiago, 12 de novembro de 2020. Ábrese o prazo de inscrición para unha nova edición do proxecto Europe on Track, no que as persoas seleccionadas, de entre 18 e 30 anos, poderán compartir unha experiencia única e innovadora a través dunha viaxe en tren por Europa. Este ano o tema é “Europe on Track 8: Change is within YOUth! All aboard the Activism Express”, e ten o obxectivo de afianzar o activismo político na xuventude, así como empoderala, para que tomen o liderado ante este novo contexto de incerteza. 

Os embaixadores e embaixadoras farán un total de catro rutas en diferentes grupos, tendo a posibilidade de visitar cada unha das cidades incluídas en cada percorrido durante dous ou tres días. En cada parada, ademais, terán a oportunidade de participar en workshops en universidades e institutos, coñecer a xente local e entrevistalas para descubrir e coñecer novas ideas en relación ao eido da xuventude europea. Transmitirán toda a información que recompilen a través de artigos, foto álbums, vídeos e actualizacións diarias nas redes sociais. 

Como consecuencia da crise derivada da COVID-19, este ano unha das rutas será online,  e o grupo encargado terá como tarefa facilitar os workshops online e realizar entrevistas online ás persoas participantes doutros países.

Os embaixadores e embaixadoras recibirán unha formación previa á posta en marcha de Europe on Track e terán cubertos tódolos gastos que se deriven do proxecto, como o transporte, aloxamento, comida, a viaxe e aquelas actividades enmarcadas no mesmo. 

Consulta toda a información relacionada co proxecto e inscríbete antes do 22 de novembro na páxina oficial de Europe on Track


Sello AYS Innova entidad adaptada

© Fundación Galicia Europa

Inicio Contacto Mapa Web Política de privacidad Política de Cookies Perfil de contratante