Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Transparencia

Convocatorias UE



Síguenos en Twitter Síguenos en Facebook Síguenos en linkedin

12/10/2020

A posta en marcha dunha nova Fiscalía Europea

5146F_1602496370_tingey-injury-law-firm-DZpc4UY8ZtY-unsplash.jpg
O pasado 28 de setembro, os fiscais europeos da nova Fiscalía Europea prestaron xuramento nunha cerimonia no Tribunal de Xustiza da Unión Europea.

Bruxelas, 12 de outubro de 2020.  Durante a cerimonia Věra Jourová, Vicepresidenta de Transparencia e Valores, Johannes Hahn, Comisario de Orzamento e Administración e Didier Reynders, Comisario de Xustiza e Consumidores, deron a benvida e felicitaron aos novos fiscais europeos, que prestaron o seu solemne xuramento de realizar o seu labor de loita contra o fraude e a corrupción. 

A misión dos fiscais céntrase na loita contra a delincuencia financeira e a protección do diñeiro dos contribuíntes e do orzamento da UE. Para iso, a Fiscalía Europea xogará un papel crucial na loita contra os delitos financeiros transfronteirizos. A Oficina complementará o importante traballo de Eurojust e OLAF, creando un enfoque europeo unificado para loitar contra os delitos que afectan os intereses financeiros da Unión.

Ademais, a vicepresidenta e os comisarios tamén fixeron fincapé en que os Fiscais Europeos deben facer xustiza nun ámbito no que “a impunidade é frecuente e no que as perdas son importantes tanto para o orzamento da Unión Europea como para os orzamentos nacionais”, e é por iso que deben ser independentes, decididos e minuciosos nas súas investigacións.

Antecedentes
As primeiras discusións sobre a Fiscalía Europea tiveron lugar no 1995 e levaron ao Corpus Juris. Según o último informe da OLAF, un total de uns 500 millóns de euros foron defraudados en 2019 na UE, pero o dano ao orzamento europeo foi moito maior.

A nova Fiscalía Europea (EPPO) será a primeira fiscalía supranacional, que funcionará en todos os países da UE que participen na cooperación reforzada e combinará os esforzos de aplicación das leis europeas e nacionais nun enfoque unificado, sen fisuras e eficiente. Investigará e perseguirá o fraude e outros delitos que afecten os intereses financeiros da UE (os denominados delitos ”PIF”, tal como se define na Directiva 2017/1371).

A EPPO funcionará como unha oficina única encabezada por un fiscal xefe europeo que traballará cun fiscal europeo de cada Estado membro da UE participante. Polo menos dous fiscais europeos delegados actuarán no sistema xudicial de cada Estado membro participante e colaborarán estreitamente coa oficina central, situada en Luxemburgo.
A EPPO creouse porque cada ano pérdense miles de millóns de euros en ingresos a causa do fraude, incluído a fraude transfronteiriza do IVE. Non se trata dun delito menor: os delincuentes, incluídos os que practican a delincuencia organizada  transnacional, benefícianse enormemente cada ano ao evadir a persecución penal, o que á súa vez alimenta a corrupción e socava o estado de dereito.

Fontes: Comisión Europea
Discurso do Comisario Reynders


Sello AYS Innova entidad adaptada

© Fundación Galicia Europa

Inicio Contacto Mapa Web Política de privacidad Política de Cookies Perfil de contratante