Subscríbete!

Se queres recibir a actualidade da UE no teu correo: noticias, convocatorias, procura de socios...

Preme Aquí


Axenda FGE

Aluguer de sala

Traballo e prácticas na UE

Convocatorias UE



Síguenos en Twitter Síguenos en Facebook Síguenos en linkedin

27/06/2018

Opta ao Premio Sociedade Civil 2018 do Comité Económico e Social Europeo!

Premio Sociedade Civil 2018 do Comité Económico e Social Europeo.jpg
  • O premio está dotado con 50.000 euros, que serán concedidos a un máximo de cinco gañadores. 
  • O prazo de inscrición vence o 7 de setembro de 2018.         
Bruxelas, 27 de xuño de 2018. A túa organización traballa en cultura? Entón quizais poidades optar ao Premio Sociedade Civil 2018 promovido polo Consello Económico e Social Europeo (CESE). Esta edición, coincidindo co Ano Europeo do Patrimonio Cultural 2018, o galardón celebra esa riqueza e diversidade, por iso, o tema é «Identidades, valores europeos e patrimonio cultural en Europa».

As organizacións da sociedade civil xogaron un papel clave en poñer á fronte o potencial do legado cultural europeo, fortalecendo identidades e sociedades e promovendo o vasto potencial da diversidade, a base da historia europea. Por ese motivo, o Premio Sociedade Civil 2018 pretende recoñecer as iniciativas máis innovadoras que fixesen unha contribución significativa á abordaxe de desafíos como:
  • crear conciencia sobre a  multiplicidade de capas e a riqueza das identidades europeas;
  • explorar todo o potencial da riqueza cultural de Europa;
  • facilitar acceso ao legado cultural europeo; 
  • promover valores europeos tales como o respecto á dignidade humana e os dereitos humanos, a liberdade, a  democracia, a igualdade, e o respecto das leis.
O concurso, que celebra a súa décima edición, está aberto non só a todas as organizacións civís rexistradas oficialmente na Unión Europea, e que traballen a nivel local, nacional, rexional ou europeo, senón tamén a individuos.

O premio está dotado con 50.000 euros, que serán concedidos a un máximo de cinco gañadores. O prazo de inscrición vence o 7 de setembro de 2018.         

A lista completa de requisitos, así como o formulario de participación, están dispoñibles  aquí

En 2017, este  Premio estivo centrado en empregos de calidade e emprendemento. Entre os gañadores, houbo unha iniciativa española:  Laundry ID, do Instituto de Robótica para a Dependencia, un proxecto tecnolóxico orientado á creación de emprego para persoas con discapacidades en lavanderías.

© Fundación Galicia Europa

Inicio Contacto Mapa Web Aviso legalPerfil de contratante