Fundación Galicia Europa: achegando Europa e Galicia
A Fundación Galicia Europa (FGE) nace en 1988 coa misión de manter unha oficina galega en Bruxelas e promover o achegamento entre Galicia e Europa. Vinculada á Dirección Xeral de Relacións Exteriores e coa UE da Xunta de Galicia, conta con dúas oficinas, unha en Santiago de Compostela e outra en Bruxelas.
Desde 2010, a FGE forma parte do sector público autonómico de Galicia como ente instrumental, e, en 2015, o Decreto de Acción Exterior de Galicia recoñece o seu mandato “para exercer a representación autonómica galega ante as institucións e órganos da Unión Europea seguindo as directrices do Goberno autonómico e respectando os principios de unidade de acción exterior do Estado”, un recoñecemento que se mantén na Lei 10/2021, do 9 de marzo, reguladora da acción exterior e da cooperación para o desenvolvemento de Galicia.
En 2018, a primeira Estratexia de Acción Exterior de Galicia destaca que a FGE “é a punta de lanza da participación galega nos asuntos europeos” e que, desde a súa orixe ,”reforzou a presenza de Galicia en Europa mediante unha participación activa e eficaz en todos aqueles foros e organismos nos que podía facer oír a súa voz”. Así mesmo, subliña como a través da súa oficina en Bruxelas, “Galicia desenvolve accións propias dun lobby para defender os intereses da sociedade galega e dos seus principais sectores produtivos”.
Defensa dos intereses de Galicia ante a UE
A FGE realiza un seguimento das políticas comunitarias, presta apoio e asesora aos representantes galegos nas institucións e órganos comunitarios, organiza visitas de responsables políticos e técnicos a Bruxelas, fomenta a participación galega nos foros de debate que teñen lugar na capital comunitaria e colabora con outras rexións no marco de diferentes redes de cooperación para defender intereses comúns.
Consulta os informes trimestrais neste enlace.
Promoción da participación galega en proxectos europeos
A FGE brinda información e presta asesoramento para que cada vez sexan máis as entidades galegas que participan en proxectos europeos, o que lles axuda a internacionalizarse.
Máis información no apartado Financiamento comunitario.
Información sobre a Unión Europea en Galicia
Formación e sensibilización sobre Europa en Galicia
Padroado
O padroado é órgano de representación, goberno e administración da Fundación Galicia Europa e está composto por representantes das entidades membros que o compoñen.
Organigrama
Director: Jesús Mª Gamallo Aller
Directora da oficina de Bruxelas: Ana Ramos Barbosa
Equipo técnico para a análise de políticas da UE (oficina de Bruxelas):
- Vanessa Lobo Casas – Coordinadora técnica de políticas europeas.
- Carolina González – Asesora técnica de políticas europeas.
Equipo técnico para a análise de políticas da UE (oficina de Santiago de Compostela):
- Pilar del Oro Sáez – EuroXuventude
Equipo administrativo (oficina de Santiago de Compostela):
- Patricia Somorrostro – Coordinadora da xestión
- Mª Belén Rodríguez Martín – Responsable de administración
- Mª Pilar Louro García – Auxiliar administrativa
Equipo administrativo (Bruxelas):
- Marlène Fernández González – Responsable de administración
Becarios (oficina de Bruxelas):
Do 1 de setembro de 2023 ao 31 de xullo de 2024.
- Anxo Rodas Arca – Políticas europeas
- Selene García Torreiro – Comunicación
- Lorena Pena Baldomir – Administración
- Carla Silvar Fernández – I+D+i
Entidades membros fundadoras
Entidades membros adheridas
